زِندہ مرنا پار اُترنا

یہ کتاب ۱۹۶۰ سے ۱۹۷۰ کے دوران حضور مہاراج چرن سنگھ جی سے پُوچھے گئے بھجن ابھیاس کی بابت سوالوں کی بِنا پر سوال جواب کی صورت میں تحریر کی گئی ہے۔ بھجن ابھیاس کے بارے آپ کی تکنیکی اور ابھیاسی پہلوئوں پردی گئی دلائل قارئین کوعملی مشورہ اور حوصلہ مُہیا کرتی ہیں۔ سوال جواب کا یہ سلسلہ سنتوں کی تعلیم پر کئے گئے عام  تذکرے سے شروع ہوتا ہے اور بھجن ابھیاس کی ضرورت پر، اُس کے مدِ نظرماحول بنانے پر، بھجن ابھیاس کے عملی پہلواور اُس کے تاثرات سے ہوتا ہوا آگے بڑھتا ہے اور آخر میں مالک کی دیا، پیاراور بھگتی وغیرہ کا بھجن ابھیاس  کے ساتھ رِشتے کی وضاحت کرتاہے۔ کتاب کا عنوان بھجن ابھیاس کی ایک کیفیت کی طرف اِشارہ کرتا ہے جس کو ’جیتے جی مرنا‘ کہا جاتا ہے اور جس میں آتما اِنسانی جسم سے سمٹ کر اندر رُوحانی منڈلوں میں داخل ہوتی ہے۔