سار بچن سنگرہ

اِس کتاب میں دی گئی رُوحانی نظمیں یا شبد سنت مت کی تعلیم یا سوامی جی مہاراج کے بتائے رُوحانی مارگ کی عکاسی کرتے ہیں ۔ یہ نظمیں ہمیں زِندگی کے اصلی مقصد اور اندرونی بھجن ابھیاس کرکےصِرف ایک خُدائے مطلق  کے ساتھ پائیدار رِشتہ قائم کرنے کے لیے نہایت سخت تلقین کرتی ہیں۔ سوامی جی مہاراج ہمارے سامنے کچھ بُنیادی سوالات رکھتے ہیں، وہ یہ ہیں:۔  ہم کون ہیں، ہم کہاں سے آئے ہیں، ہمارے اِس فانی دُنیا میں موجود ہونے کی وجہ کیا ہے، ہماری زندگی میں واقع ہونے والے نشیب و فراز کی کوئی معقول دلیل ہے۔ اپنے آپ کو اِس نیستی کی حالت سے اُوپر اُٹھانے کے لیے ہمیں کہاں جانا چاہیۓ؟ کیا ہم اپنی اِنسانی قوت کی بِنا پر زِندگی کے اصلی مقصد کو پا سکتے ہیںِ؟ اور اگر ہاں تو کیسے؟